2010年2月6日
一早起身打開個窗，見到落緊雪呀！Check Out 時經過滑雪場，可能今日係星期六，見到好多一家大細特登嚟滑雪。今次我哋無帶夠衫，所以唔準備滑雪喇，都係去outlet shop多一round先離開輕井澤。
到左食lunch嘅時間，我哋去左 outlet West Wing嘅食街，今次幫襯一間叫做信州食堂。K點左熱辣辣嘅烏冬鍋，我就要左漢堡扒，埋單時因為有coupon book，所以有個饅頭送。老闆問我哋要咩味，我哋因為唔識睇啲字，所以隨便指左其中一個，後來食嘅時候先知原來係甜蕃薯味。
係時候出發去河口湖喇。我哋 2:30pm出發，預計 6:00pm到。一路上都係繼續落雪, 沿路嘅溫度顯示仲不斷下降，由輕井澤嘅零下5度，行吓行吓見到零下6度 -> 零下7度 -> 零下9度, 無野嘅話我哋都唔諗住落車喇。
開始見到富士山喇！
本來一路都好暢通，但係接近到目的地嘅時候，個GPS點左我哋上一條有料道路，條路仲要係行回頭路，最後要7:00pm零先去到河口湖。好彩之前行錯條有料道路都係俾左400yen，唔係貴，不過就浪費左啲時間囉。
今晚我哋住喺時悠々楽游，呢間酒店雖然細，但係啲staff好友善。7:30pm就食晚飯喇，嚟到餐廳，侍應嬸嬸帶我哋去到一間寫上我哋名嘅房間，我哋今晚就會喺呢度食飯喇。
酒店知道我哋 honeymoon，送左兩杯紅酒比我哋。
差不多8:00pm，又有人嚟話比我哋聽有煙花睇，原來係第十三回河口湖冬花火，二月份嘅頭三個星期六，星期日嘅8:00pm至8:20pm都有得睇。於是我哋就放低碗筷，去lobby join埋其他guests一齊欣賞煙花喇。
食飽飽之後返房，榻榻米已經準備好喇。
休息左一輪，係時候浸溫泉。不過今次就有啲失望喇，因為呢度嘅溫泉好細，加上夜晚關晒窗，咩都睇唔到，所以浸左好短時間就走喇。
酒店房間有兩個藤藍，比住客拎去溫泉用嘅。
呢個小雪人同埋後面嘅白針葉樹朱古力餅，就係用輕井澤嗰2000yen coupon買咖喇。
時悠々楽游 : http://www.rakuyu.co.jp/
沒有留言:
張貼留言