2010年2月5日
今朝起身打開窗簾，嘩！白茫茫一片，好靚呀！
見到好多日本人換晒成副務裝，準備上山滑雪。
而我哋就去outlet準備掃貨。從來無試過住一間酒店喺正Outlet隔離，超方便呀！
未開始掃貨前，一於醫飽個肚先。見到Outlet裡面有間花田牧場，好有親切感，事關上年我哋喺北海道先幫襯過佢哋嘅豚井，好好味，估唔到可以喺呢度再次encore.
食飽飽就開始shopping喇，好多收穫呀, K話啲Paul Smith好抵，我都買左好多野，不過多數都係送比人嘅。
如果喺呢個Outlet買左褲而要改，可以拎去其中一間舖頭，佢哋主要幫人改衫褲,一個小時ok，承惠840yen。
2:30pm我哋就離開outlet準備去森之美術館，點知去到先知原來佢哋2月1至10號休館，No!!
唯有喺舊銀座商店街周圍行吓。路經沢屋知道佢哋啲果醬好出名，忍唔住又買。
可能買得多，靚靚Sales姐姐送左兩張coupon比我哋，可以免費去隔離嘅Sawade Cafe免費飲咖啡。
之後我哋開車周圍轉，好多景點都因為大雪而close左，好可惜。
後來我哋嚟到輕井澤火車站，好多人都鍾意去輕井澤舉行婚禮，喺火車站裡面有一間小教堂模型。
最後我哋去到唯一仲開放嘅景點 - 白系之瀧，好靚呀！不枉此行!
呢度好早就天黑，五點鬆啲就開始黑喇，我同
K都決定返outlet再shop過。
今朝我哋主要行East Wing，今晚就行West Wing啦。去到Agnes b發覺所有野都好貴，最後咩都無買到。
行到差唔多七點，啲shops都要close喇。我哋就去左outlet裡面嘅一間韓國燒烤食晚飯，呢間舖頭之前睇其他blog友介紹過，不過我就覺得麻麻地。。
食完返酒店front desk拎番我哋嘅coupon,事緣如果你早上唔需要酒店嘅room service打掃房間,就可以掛個牌喺房門口,咁酒店為左答謝你，就會送返啲coupon比你喺酒店消費。我哋因為住嘅係cottage，所以拎到2000yen coupon, yeah!!
Karuizawa Prince Shopping Plaza : http://www.karuizawa-psp.jp/
沒有留言:
張貼留言