做冬Part I - 打邊爐

冬至晚飯第一回 - 返屋企打邊爐. 話明做冬, 點可以淨係肥牛、金菇、四寶丸? 一於豪啲, 嚟個海鮮宴!

哥嫂同北角碼頭某海鮮檔頗熟, 所以就由佢哋負責買料.

龍蝦打邊爐, 咁大個女都係第一次:

象拔蚌同埋唔知乜嘢蚌, 只要落水拖一拖就食得, 象拔蚌可以生食, 可惜大佬唔記得攞wasabi...不過齋點豉油都好鮮味.

貴花蚌、珊瑚蚌同墨魚, 樣樣都好新鮮呀!

蟶子同蜆, 又啱我啫! 

加加埋埋成枱都係食物, 個個最後都食到棒住個肚, 好滿足!