金羅寶 - 銅鑼灣

今個星期日晚要自己揾食, K想食韓國菜, 於是我倆去了很久都沒幫襯的金羅寶.

吃韓國菜, 我最喜歡就是它的前菜, 細細碟又多款式. 我最鐘意就係食細魚仔(唔知咩名), 可惜今日無呢隻魚仔食, 不過芽菜、菠菜、炒粉絲同埋煎蛋餅都好好味, 食到唔停得口.

我哋點咗烤豬排骨和烤雞肉, 好好味, 仲奉上免費沙律一碟.

牛肋骨煲係我哋嘅至愛, 每次必叫. 牛肋骨炆得很腍, 連裡面啲紅蘿蔔同白蘿蔔都入晒味, 啲汁撈飯好正咖!

連白飯同牛肋骨湯都好好味, 我清晒!!

最後仲有生果同雪糕送, 好滿足的一餐!