Luca - 大埔

大除夕晚, 一個非常之凍嘅晚上, 我哋一行四人再加兩條小狗, 直踩入大埔嘅Luca食晚飯.

這裡大部份是露天座位, 在這個只有十零度的晚上, 只感到一陣陣寒風, 雖然餐廳放了幾個暖爐, 但因為那暖爐...實在太高, 所以對取暖沒甚麼幫助.

侍應生哥哥先送上熱辣辣、軟綿綿的香草麵包, 配牛油或者黑醋橄欖油都咁正:

我最喜歡這裡的雜菜湯, 非常足料, 喺咁凍嘅晚上飲呢個湯真係好舒服 

每次嚟都會點一杯朱古力奶昔, 呢度嘅奶昔好滑好濃, 所以就算咁凍我都忍唔住口要飲, 流住鼻水都要飲! 

Spare Ribs - 排骨燒得好香, 唔會乾, 仲好juicy, 同Ruby Tuesday嘅有得fight:

蜜糖脆皮豬手 - 個皮好脆, 啲肉又嫩, 一啲都唔"鞋口", 再加埋啲蜜糖汁, 真係好好味呀:

Parma Ham Pizza - pizza一定要薄批先好食, 加埋parma ham喺面, 正!!

如果住喺呢度附近, 我一定會成日嚟幫襯, 而家每次嚟, 來回都要一個鐘頭車程, 唯有得閒先可以嚟喇!

彩虹甜品屋 - 大埔

去完Luca食飯, 嫂嫂提議到附近食甜品, 兜兜轉轉入咗去大埔市中心. 嘩! 原來呢處咁熱鬧, 仲有咁多嘢食!

四個人, 各自叫一碗糖水, 再加一碟糖不甩同埋一碗湯丸.....啱啱食完飯都唔夠十五分鐘, 又食過, 都咪話唔恐佈.

不過話晒都係2008年最後一日嘅倒數一個鐘頭, 食盡佢都好應該嘅!

但願喺新嘅一年, 所有人都開開心心, 衣食無憂!!

新星海鮮酒家 - 銅鑼灣

今晚原本諗住喺銅鑼灣"求其"食啲嘢, 點知路過鵝頸橋嘅新星, 見到$78任食火鍋, 又幾吸引, 平平哋試吓都好.

我哋揀咗個鴛鴦湯底, 因為沙爹湯底係 K嘅至愛, 我就鐘意清清哋嘅皮蛋芫茜湯底.

雖然話係$78任食, 但竟然有好多選擇, 而且啲食物都幾新鮮.

次次都唔記得呢隻叫珊瑚蚌定係桂花蚌, 次次都要問伙記哥哥"橙色嗰隻係咩蚌呀?.....要一碟吖唔該.?" 

呢度嘅飲品仲係免費任飲, 有汽水同酸梅湯揀, 諗落...$78...真係幾抵.

Yamm (美麗華酒店) - 尖沙咀

這個假期裡我最期待的節目, 就是到Yamm食dinner buffet. 早陣子因身體出了問題, 胃口變得很差,, 現在趁康復了當然要大吃一餐!

侍應先送上一籃熱辣辣的麵包, 雖說食自助餐不應吃太多麵包, 但實在太美味, 忍唔到口, 加埋忌廉磨菇湯仲正:

點麵包吃的, 不知道成份, 但係幾好味:

這裡採半自助餐形式, 自助餐枱只供應沙律、海鮮、熱葷和甜品:

沙律有我最喜愛嘅毛茄, 正正!

海鮮有阿拉斯加蟹脚、翡翠螺、蝦、青口、龍蝦:

龍蝦好鮮味又多膏, 下圖所見係全晚嘅最後兩隻, 亦都係我哋當晚食嘅唯一兩隻, 之後一直都無再添喇! 

生蠔頗新鮮, 貴為生蠔痴的K總共吃了廿多隻 

至於港人最愛的魚生、壽司、串燒等等, 這裡就可以order, 坐定定就有得食, 上碟嘅賣相仲非常OK.

精選壽司刺身亭:

三文魚、吞拿魚、帶子、油甘魚、卷蛋、八爪魚、鰻魚、甜蝦、海膽、三文魚子

臨近closing, 再encore帶子同海膽刺身, 侍應哥哥見就關舖, 就"豪"比我哋:

天婦羅亭:

鮮蝦、軟殼蟹、鮮冬菇、茄子、南瓜、毛茄、蓮藕、蕃薯、芋頭

爐端燒亭:

雞、雞翼、香脆雞皮、白菌、粟米、蕃薯

鐵板燒亭:

肉眼扒、大蝦、三文魚、墨魚、豆腐、鮮冬菇

好吸引嘅甜品, 雖然好飽, 但係都要食!!

學吓人, 又擺靚隻碟, 賣相好啲又會開胃啲:

差啲唔記得, 每位客人可以點一客主菜Signature Dish, 當晚可以選擇意大利野菌Risotto伴栗子香草燴火雞, 或廚師推介精選卷物, 但我倆嘅胃實在容納唔倒兩個main course, 最後只點了一客Risotto:

最後飲埋一杯cappucinno, 好滿足. 儲夠錢一於再嚟食過!!!

大婆牛肉麵–灣仔

假期第二日, 今天沒有甚麼節目, 很晚才起床. 想起K早前想吃大婆牛肉麵但我沒有時間陪他, 今天就陪他去吃吧!

第一次光顧, 是朋友帶我到九龍城那店, 一試那牛肉麵覺得很難忘, 因用的是牛, 咬下去很腍, 湯底可選清湯和辣湯, 試過一次清湯後, 我以後都選辣湯, 因為更加惹味, 而且雖說是辣湯, 但對於不吃辣的我尚算可以接受.

我們還點了一客黑油雞翼, 可惜沒甚特別, 味道還有點像鹵水雞翼, 只是更………鹹, 下次不會再點了.

The Lounge (四季酒店) –中環

一連四天假期, 有甚麼比一家人聚在一起悠悠閒閒吃個high tea更好呢? 早陣子在雜誌看到四季酒店的下午茶buffet介紹, 就在聖誕節這天試一試吧!

因這餐廳不設訂位, 我們預早了二十分鐘到達, 已有一條小人龍在排隊等登記. 餐廳準時在2:45pm開始給客人登記, 登記後還要等枱ready後再有電話通知.

3:00pm準時入座, 這裡座位不多, 環境簡單但給我一種舒服的感覺, 我們被安排坐在live band旁, 聽着現場演奏的聖誕歌, 很有節日氣氛.

侍應先送上三層銀架:

第一層係咸點, 有各款finger sandwich, 芒果蟹肉puff, 而我最喜歡就是那個鵝肝醬多士. 

第二層係scone, 又係我嘅至愛, 咬落外脆內軟, 再搽上牛油及酒店特製的果醬, 更加好味!

第三層係甜點, 這層個人就不太欣賞, 因為實在太……….甜..

因為聖誕關係, 餐廳還預備了一個小型buffet枱, 全都是特式的聖誕食品, 有樹頭蛋糕、麵包布甸、薑餅人曲奇餅…望到都開心!!

其間有一羣學生到來唱聖誕歌, 增添了不少氣氛. 總括來說雖然食物比我想像的遜色, 但我們總算過了一個開開心心的下午.