第六屆「匡智競步上雲霄2009」慈善跑樓梯大賽

公司參加咗今屆嘅「匡智競步上雲霄2009」慈善跑樓梯大賽, 自問年紀已經唔細, 跑樓梯就唔好喇, 做啦啦隊就ok嘅.

比賽前大會先安排匡智會的學生作綜藝表演:

大會司儀是DJ先生李志剛:

開幕典禮上還附 "最突出團隊造型獎"比賽, 這團隊用了萬聖節的造型, 很應節呢:

今年的兩位匡智關懷大使是Sammi及張繼聰:

是次賽事分為「團體接力賽」和「個人挑戰賽」，參賽健兒要挑戰1,688級樓梯，以最快的時間由中環廣場地下登上頂層75樓. 我們公司派出5位健兒參加「團體接力賽」, 結果以12多分鐘完成賽事, 成績也不錯呢!

試妝記

上回講到自己一直將心神放咗喺Bali嘅婚禮, 忽略咗揾香港嘅化妝師.  卒之喺十月嘅一個下晝的起心肝, 喺網上search吓資料, 結果揾到兩個比較啱心水嘅化妝師, 我分別喺佢哋嘅blog留咗言, 結果其中一位叫Kammy嘅化妝師唔駛一個鐘就打俾我, 果然有效率, 一於約佢試妝.

我一直都想梳呢個"Kelly頭", 雖然梳完佢哋話我老咗十年, 但係總算了咗件心願, 算係梳過啦!

下面呢個係Kammy提議嘅髮型, 可惜我啲頭髮唔夠長, 好似唔係咁好睇.

後面係咁樣嘅:

下面呢個係我暫時confirm咗嘅髮型, 好似最順眼, 你哋覺得呢?

就係咁快, 諗都唔駛諗, 我就confirm咗會用Kammy喇, 其實我真係幾懶, 只係第一次試妝就朴槌, 有無新娘好似我咁嘅呢?

大閘蟹

自從幾年前嚐過大閘蟹後, 開始愛上了它, 差不多每年十月都會心郁郁.  但其實自己很怕上酒樓吃大閘蟹, 一來我吃東西出了名超級慢, 尤其是吃蟹...有時候過了九時才開始吃, 到酒樓打烊才吃完, 真的不好意思 ( 阻人收工嘛...)  二來酒樓的大閘蟹餐有很多款東西吃, 吃罷蟹後其他東西多半都已涼了...

今年一於攪攪新意思, 自己買蟹回家蒸, 時間全由自己掌握, 吃完一隻才再蒸另一隻, 不會趕又不怕另外一隻蟹放涼了, 全部吃時熱辣辣的, 多好!

而且功夫一點也不多, 買蟹時已包了紫蘇葉、薑茶配料等等, 只需要問店主蒸多久, 回家把蟹放上碟, 入鑊, 蓋上鑊蓋, 然後就是.....等食, 哈哈, 看來今年也不會上酒樓吃大閘蟹了!

婚禮倒數三個月

不經不覺原來離婚禮只剩下三個月, 看到blog上的倒數真的嚇了一跳! 好像甚麼也未confirm似的...

最近還突然記起自己還未找香港的化粧師...因為我一直忙着辦峇里島的婚禮, 而只記著自己在香港只會攪一個簡單的lunch wedding banquet...但上星期某一天突然如夢初醒地記起自己攪lunch wedding banquet的那天原來也是好日子, 好的MUA應該已被booked了吧!?

匆匆在網上進行地毯式搜索, 終於找都一位MUA, 約了下星期六試粧, 好緊張!!

天后甜品 - 天后

首先, 我通常寫食評嘅網誌都有相睇, 呢篇除外...

話說尋晚喺中環賞月過後, 大家好有興緻食甜品. 本來想落去筲箕灣嘅"老媽"食雪花冰, 但望望錶都接近12點, 所以決定落天后穩陣d.

落到天后泊好車, 見到呢間"天后甜品"有雪花冰食, 又咁啱有位, ニ話不說坐低, 咁就出事喇.

女侍應(紥馬尾)非常黑面, 我哋點咗其中一個甜品, 佢話要等30分鐘, 我哋都嚇一跳, 咁問佢有乜甜品唔駛等咁耐, 佢又好似唔願答咁. 全程無笑容, 好似嚟幫襯就要睇佢面色咁.

(天后咁多甜品舖,唔一定要嚟呢間啫!? 或者喺OpenRice嘅"喊面"指數一直增加嘅時候, 佢先會明白?)

落完單之後要即刻俾錢, 後來我哋知道佢係驚啲客等得太耐會走, 所以收錢先. (既然知道自己嘅問題係慢, 驚啲客會走, 點解唔改善? 反而先同客人收錢? 咁可以解決問題咩?)

黑面女侍應收咗我哋$100, 完全無意識要找錢 (我哋叫咗$93嘅食物), 等咗10分鐘佢都唔找, 我哋就開口問佢, 佢"哦"一聲入舖攞返$7俾我哋, 一聲唔好意思都無.

你唔係以為客人奉子要俾貼士你啩? 如果服務態度好$70貼士我都會俾, but唔係呢間舖囉

等咗20分鐘乜都未嚟, 望吓周圍有幾張枱早過我哋嚟都未有得食, 咁就諗住再等吓啦

之後隔籬枱食完走咗, 嚟咗一班新客, 過咗10分鐘班新客叫嘅雪花冰竟然先嚟.

我哋問另外一個男侍應, 佢話我哋張單係下一張做 (當然亦係一句唔好意思都無

), 再等10分鐘都係未嚟, 而到另外一張枱嘅客都有得食嘅時候, 我哋真係火都嚟埋, 即刻問佢攞返錢走. (所以話, 唔好以為先同客收錢係一定work)

其實我哋點嘅其中一個甜品只係一碗啫哩, 點解都要等30分鐘!!??

其實尋晚中秋綵燈, 維園多人係預咗, 呢間舖擺多咗10幾張枱喺街應付人流, 但係有無考慮過自己舖頭嘅裝備唔夠加埋啲趕客黑面侍應最終會害咗你哋呢?

之後我哋殺咗落西灣河嘅明記, 雖然都係要等位同等食物 (仲要唔係等好耐, 5-10分鐘左右咋), 但係人哋最後都不斷同我哋講唔好意思, 猛解釋因為中秋所以客人特別多, 咁至係咖嘛..天后甜品, 你要好好向人學習呀!