2009年第一日, 起身已經差唔多係lunch time, 屋企照舊無乜嘢食, K便提議到大坑的越南站食湯河粉, 點知到埗後發現有十幾人排隊, 因為時間已經唔早, 我哋都唔想等. 正當我倆正惆悵去邊度覓食時, 眼前出現一間橙色嘅小舖, 又幾吸引喎! 原來係賣日本咖喱飯嘅, 啱晒, 一於試試.
這店簡簡單單只有幾張枱, 但我卻覺得頗舒服.
抬頭一望, 見到一隻巨型熊貓喺空中作"飛翔":
我嘅肉醬咖喱飯, 咖喱汁完全唔辣, 反而飯中間嘅肉醬都幾辣, 要拌住飯一齊食.
K嘅吉列海鮮咖喱飯, 賣相亦相當唔錯.
最衰我唔飲得咖啡住, 得個睇字 
雖然一個咖喱飯賣七、八十元都算幾貴, 但食物水準又真係唔錯, 我一定會再encore!
沒有留言:
張貼留言