2010年2月3日
今日會離開大阪途經神戶去有馬溫泉，我哋先出發去大阪站，將大件嘅行李寄存喺車站。
呢度就係大阪站御堂筋口喇，有好多大locker，可以放得落一個大皮喼。
喺大阪站坐JR神戶線，目的地係三宮站.
其實嚟神戶嘅主因，就係食個神戶牛柳lunch喇。之前見到好多網友推介Steakland，好彩呢間餐廳唔難搵，好近車站。未到放lunch嘅peak hour，唔駛等位
果然無令我哋失望，好好味！最重要係一個lunch set只係2980yen，有沙律，牛柳，咖啡或橙汁，而同一個set喺夜晚食要一倍價錢咖！
呢碟就係司傅用嚟起鐵板嘅蒜片喇，會上埋碟咖，好味！
如果唔夠喉，可以考慮買多塊神戶牛返屋企慢慢嘆，3200yen買到一塊大約200克嘅神戶牛，好吸引呀！
食飽飽之後，去左0101同Sogo行吓。呢度嘅0101比較細，都係去Sogo掃番啲小食拎入有馬實際啲！
臨離開神戶，我哋坐左一round City Loop，算係遊覽過神戶啦。坐一程City Loop承惠250yen，係循環線，如果唔落車就唔駛再比錢。亦都可以選擇650yen嘅1 day pass。
途中我哋見到其中一個站係新神戶站，我哋決定喺呢度落車出發去有馬。
我哋坐地鐵北神急行去谷上站，再到對面月台上車去有馬口站，途經：
花山》大池》神鐵六甲》唐櫃台》有馬口，車程大概13分鐘。
再喺有馬口站上車去有馬溫泉站。
到左有馬溫泉站，已經黑麻麻喇，四周無人，我哋急急打電話去酒店叫人派車嚟。原來我哋今晚住嘅酒店係喺山頂咖，如果要行上去都幾甘。。
去到酒店嘅reception，我哋講低左食晚飯嘅時間。酒店包一杯welcome drink，喺coffee shop飲咖啡或者橙汁。我哋好似包左間coffee shop咁，四圍靜英英，究竟間酒店有幾多人住緊呢？
見仲有時間，去左一樓嘅大浴場浸一浸先，因為一樓嘅大浴場9:00pm就會close咖喇。入到去一個人都無，我包場呀，yeah!
晚餐好豐富，我哋選擇左喺房間食，可以慢慢嘆，食到我哋捧住個肚呀！
食飽飽，我哋就落去手信店買左少少手信。Surprisingly呢間溫泉酒店有wifi喎，仲有兩部電腦比客人用添，我哋當然把握時間check吓email先啦！
丹波黑豆雪糕
酒店房望出去嘅景觀
休息過後，又係浸溫泉嘅時候喇。今次去九樓嘅露天溫泉，有著名嘅金湯，聽聞金湯嘅酸性度低，對皮膚好好咖。
因為聽日我哋會坐12:50pm機由關西去羽田機場，所以要早啲瞓喇，預計聽朝6:30am起身！！
臨瞓前我哋都要先消滅今日喺神戶買嘅樹頭蛋糕，避免聽日要拎住盒蛋糕上飛啦！
Steakland : http://r.gnavi.co.jp/k205300/
神戶City Loop : http://www.kctp.co.jp/cityloop.html
Arima Grand Hotel : http://www.arima-gh.jp/
沒有留言:
張貼留言