修甲記

自從決定結婚之後, 做咗好多好耐都無做過嘅嘢, 例如

(1) 修眉  (2) 做 facial

亦都做咗好多咁大個女第一次做嘅嘢, 例如

(1) 落加記同舒記做gym  (2) 線面 (痛到想死)  (3) 學化妝  (4) 出舖頭修甲

..............................

今日第一次修甲, 揀咗做法式, 貪佢斯斯文文又elegant. 總共做咗個半鐘, 其中半個鐘用凍風吹乾, 對手爭d結冰, 卒之明白咩叫愛靚唔愛命喇..

本來諗住結婚當日都係做法式修甲, 但係都要重新考慮, 事關我今晚做好之後唔夠十五分鐘已經刮花咗d指甲喇, 請細心留意我兩隻手嘅中指!! 

相信我架機未降落峉里島我全部指甲都已經會花晒!