簽名筆

之前喺其他website見過人哋DIY簽名筆, 自己又想試吓做. 喺Muji買咗啲水筆, 用咗之前做花球同襟花嘅花材, 拖咗成個月, 卒之整咗3支簽名筆.

暫時只係整好75%, 希望可以儘快完成.

Invitation

仲有幾日就要過大禮喇, 好多嘢都要準備好, 其中一環就係預備請帖、餅咭同埋回禮利是.

我哋會用番酒店嘅帖再加工, 自己寫帖嘅內文, 用牛油紙印好, 喺石板街買咗銀線綁好, 總之係一腳踢.

以我同K咁"relax"嘅性格, 希望今個禮拜六晚可以完成啦!

修甲記

自從決定結婚之後, 做咗好多好耐都無做過嘅嘢, 例如

(1) 修眉  (2) 做 facial

亦都做咗好多咁大個女第一次做嘅嘢, 例如

(1) 落加記同舒記做gym  (2) 線面 (痛到想死)  (3) 學化妝  (4) 出舖頭修甲

..............................

今日第一次修甲, 揀咗做法式, 貪佢斯斯文文又elegant. 總共做咗個半鐘, 其中半個鐘用凍風吹乾, 對手爭d結冰, 卒之明白咩叫愛靚唔愛命喇..

本來諗住結婚當日都係做法式修甲, 但係都要重新考慮, 事關我今晚做好之後唔夠十五分鐘已經刮花咗d指甲喇, 請細心留意我兩隻手嘅中指!! 

相信我架機未降落峉里島我全部指甲都已經會花晒!