生日快樂!!!

又大一歲, 真係唔認老都唔得..今年過得特別快, 好似乜都無做過咁就過咗喇. 好! 新嘅一年一定要plan吓, 做一番大事 (嘻, 不過年年都係咁講..)

三月十二号晚, 舊同事請我去新鴻基中心嘅板長壽司食晚飯, 仲揾埋位等我, 我一嚟到就有得坐喇 最感動係佢哋買咗個生日蛋糕比我, 係我好喜歡嘅木糠蛋糕呀!!

仲收到一條靚靚嘅Agnes b手鍊, 多謝晒!!

三月十三号, 正日..今日有幾個奇遇:

(1) 下晝喺街撞倒個中學阿Sir, 雖然佢見唔到我, 但我好肯定係佢, 因為佢係我中六嘅班主任同教我Economics嘅.....已經好耐無見喇, 唔知佢仲認唔認得我呢?

(2) 成日都明明keep住有25度, 一到夜晚竟然drop咗唔知幾多度, 我仲因為選擇錯誤, 揀咗一間露天嘅餐廳食晚飯:

雖然啲嘢好好味, 但係成晚好似打風咁, 條餐巾吹咗落地下無數次, 所以都唔係食咗好耐就走人喇. 上咗的士聽到收音機話得十三度. 吓!? 十三度, 十三号??

(3) 今日係黑色星期五, 其實呢樣都唔算係奇遇, 做咗咁多年人都試過好多次生日係黑色星期五咖喇!

呢個係K送嘅生日蛋糕, 禮物話後補喎. 好, 信你!