簽名筆

之前喺其他website見過人哋DIY簽名筆, 自己又想試吓做. 喺Muji買咗啲水筆, 用咗之前做花球同襟花嘅花材, 拖咗成個月, 卒之整咗3支簽名筆.

暫時只係整好75%, 希望可以儘快完成.

Invitation

仲有幾日就要過大禮喇, 好多嘢都要準備好, 其中一環就係預備請帖、餅咭同埋回禮利是.

我哋會用番酒店嘅帖再加工, 自己寫帖嘅內文, 用牛油紙印好, 喺石板街買咗銀線綁好, 總之係一腳踢.

以我同K咁"relax"嘅性格, 希望今個禮拜六晚可以完成啦!

修甲記

自從決定結婚之後, 做咗好多好耐都無做過嘅嘢, 例如

(1) 修眉  (2) 做 facial

亦都做咗好多咁大個女第一次做嘅嘢, 例如

(1) 落加記同舒記做gym  (2) 線面 (痛到想死)  (3) 學化妝  (4) 出舖頭修甲

..............................

今日第一次修甲, 揀咗做法式, 貪佢斯斯文文又elegant. 總共做咗個半鐘, 其中半個鐘用凍風吹乾, 對手爭d結冰, 卒之明白咩叫愛靚唔愛命喇..

本來諗住結婚當日都係做法式修甲, 但係都要重新考慮, 事關我今晚做好之後唔夠十五分鐘已經刮花咗d指甲喇, 請細心留意我兩隻手嘅中指!! 

相信我架機未降落峉里島我全部指甲都已經會花晒! 

花球II

今早約咗CC到花墟買絲花, 準備改良之前已做好嘅花球, 另外亦要做襟花喇!

做咗一個下午, 原來都唔係好難, 雖然做完之後對手好鬼痛, 但係就好有滿足感 

製成品如下:

三大長老嘅襟花:

下面呢幾個係做俾我阿哥阿嫂同埋K嘅妹妹:

呢個會係我嘅手花:

而呢個就係整俾K嘅襟花喇:

因為喺花墟見到啲好靚嘅茶花, 忍唔住買咗, 將之前整好嘅花球拆咗再重新整過:

我好滿意呀, 大家覺得點呢?

蜜月之選擇 - (1)輕井澤

Bali同香港嘅婚宴仲有好多嘢未攪, 但係另外一個新project又要kick off, 就係決定honeymoon嘅地點喇.

我哋想喺2月1号出發, 玩10日, 喺過年前返香港 - 話晒呢個會係我哋婚後第一個過嘅中國新年..

Honeymoon嘅地點, 我想去有雪嘅地方. K提議日本之旅 (係呀, 又係日本呀..), 佢話今次可以去輕井澤, 又有雪睇, 又有得浸温泉..

輕井澤住在紅葉裏 溫泉冥想 夜觀銀河

(明報)2009年10月27日 星期二 05:10

【明報專訊】輕井澤是日本    東京    附近的著名避暑勝地，乘新幹線前往約需1小時10分鐘；打個比喻，輕井澤就有如北京    附近的承德，或者台北附近的陽明山莊    。從1800年代末起，據說因為西方傳教士發覺這裏與西方氣候相似，喜歡前來避暑，風氣所及，日本王室、名人與達官貴人，包括新任首相鳩山等都喜歡在輕井澤置第二個家。正因為它氣溫低，當東京的「紅葉度」仍然是零，滿眼綠葉時，輕井澤已經漫山遍野紅得燦爛。

看紅葉，輕井澤的「雲場池」是紅葉名所，但要體驗紅葉，倒不如住在紅葉裏，讓自己一頭栽入澎湃的滾滾紅塵豔裏。你要像日本文人雅士與達官貴族，短住輕井澤其實絕對無難度，這裏設有不少酒店與洋式住宿設施，小巧精緻，其中虹夕諾雅溫泉度假村（日文名字﹕星のや輕井沢）就非常特別，它既日本，又不那麼日本，擁有寬大庭園，每個房間均有廣闊露台，紅葉黃葉與綠葉色彩斑駁，你不用走動，安坐房間，明媚秋色已經映入眼簾。

我哋2月過去嘅時候, 一地紅葉應該已經全變成白雪.......

K找到嘅旅館名為"星のや", 我覺得佢哋嘅客房"水波の部屋"好吸引呀!

幾米 - Time Square

眨吓眼又一年, 尤記得上年11月喺Time Square睇過Carrie Chau嘅exhibition, 展出嘅公仔個個都好靚好吸引, 今日行過Time Square, 佢哋今年展出嘅竟然係我好喜歡嘅幾米作品 

月亮忘記了 - 我好喜歡呢個又圓又大嘅微笑月亮

當然唔少得地下鐵, 當年改拍成電影, 我有買飛入戲院睇咖

留意廣場嘅大銀幕 

最經典嘅向左走, 向右走

我最鐘意呢個角度, 男女主角演繹咗張學友嘅嗰首"這麼近(那麼遠)"..

如果有時間, 我一定要再去, 2樓嘅商場應該有更多展品咖!!

花球

好友CC知道我最近為尋找花球而煩惱, 某日佢突然提議幫我DIY一個花球試試, 我真係講多謝都嚟唔切呀 

唔夠一個星期, 已經收到CC email俾我製成品嘅相喇!!

其實我已經好佩服我呢位朋友咖喇, 因為我自問手工一向唔叻, 自己一定做唔倒呀...

不過可能用作結婚花球顏色會較為素咗啲, 所以我即刻show咗我嘅心水花球俾CC睇, 好快佢又做咗另外一個花球俾我喇!

因為仲有花材剩, 所以仲試做咗個襟花添!!

好鐘意呢個花球呀, 多謝你CC

拉闊音樂 - 陳奕迅x容祖兒

一早已經想睇呢個show, 雖然坐到上山頂位, 但係都好開心 

一開show, Eason同Joey就大跳標準舞

因為坐得太高, 大部份時間都要影個大銀幕

Eason對Smoky Eyes, 俾祖兒笑佢熊貓眼 

最鐘意呢張相

個show一個字 : 正!! 而且8:30pm開場一直唱到11:00pm, 無expect過會咁長咖!!! 

第六屆「匡智競步上雲霄2009」慈善跑樓梯大賽

公司參加咗今屆嘅「匡智競步上雲霄2009」慈善跑樓梯大賽, 自問年紀已經唔細, 跑樓梯就唔好喇, 做啦啦隊就ok嘅.

比賽前大會先安排匡智會的學生作綜藝表演:

大會司儀是DJ先生李志剛:

開幕典禮上還附 "最突出團隊造型獎"比賽, 這團隊用了萬聖節的造型, 很應節呢:

今年的兩位匡智關懷大使是Sammi及張繼聰:

是次賽事分為「團體接力賽」和「個人挑戰賽」，參賽健兒要挑戰1,688級樓梯，以最快的時間由中環廣場地下登上頂層75樓. 我們公司派出5位健兒參加「團體接力賽」, 結果以12多分鐘完成賽事, 成績也不錯呢!