最近中咗韓劇毒，中毒非常深，正在搵解藥。
上幾個星期NOW開始做韓劇[秘密花園]，本來有諗過睇，但係因為安排喺9:30pm播，miss咗幾集，正想放棄，突然間有一日睇到NOW宣傳呢套劇嘅廣告，揀選嘅片段加埋背景音樂係玄彬唱嘅歌，太吸引喇！咁橋又發現NOW有個On Demand嘅服務，可以追返先前嘅集數，實在太好喇。而呢個亦變成我中毒嘅開端喇。。
而家套劇嘅畫面無時無刻出現喺我嘅腦海，再加埋啲歌，真係唔知幾時先會復元呢？睇睇吓先醒起主角係[我愛金三珣]嘅玄彬，喺劇裡面佢飾演嘅百貨公司社長金洙元同飾演替身演員羅琳嘅河智苑由相識至相愛嘅故事，浪漫感人。而劇中間兩人突然掉換身份，又非常好笑。我諗呢套劇我會返睇再返睇 
呢首玄彬唱嘅[那個男人]，留咗喺我個腦唔肯走呀!!!
