Day 5 北京 -> 香港

來到北京之旅的最後一日，早上check out 後我們又再次出發前往北京體育大學，原因之一是昨天和奧運跆拳道冠軍陳中緣慳一面，今天想再次碰碰運氣，可惜都是見不到，希望下次有機會吧！原因之二是我可以到爸爸朋友的家上互聯網 online check-in，始終帶著三位耆英，還是穩穩當當點好。

在體育大學附近的一茶一坐吃過午飯後，便要出發前往機場了。

想不到今次北京之旅，去程驚險，回程更驚險。我們原定 4:30pm  起機，因為已做了 online check-in, 可以3:30pm 前到達機場， 我們 3:35pm 到達，但地勤人員告訴我們已不能讓我們 check-in 了。經過連番爭論，航空公司經理最後安排我們乘坐下一班 6:30pm  的飛機，還送了我們四張 lounge ticket，讓我們可以舒舒服服等上機，也算是不幸中之大幸了。

Day 4 天安門廣場 + 秀水街 + 北京體育大學

喺北京， 最多遇見嘅係。。塞車。。

今朝我哋先出發去天安門廣場，因為呢度唔可以泊車，所以唯有坐喺車裡面兜圈。

有可多鴨仔團都來到呢處.

之後我哋嚟到秀水街，原先諗住嚟呢度買手信，但係發覺呢度有啲似女人街，最後都無收獲。。唯有去對面嘅永和食lunch喇。

送左媽咪返酒店休息之後，我哋起行去北京體育大學。話說爸爸嘅朋友曾經係北京體育大學嘅教授，雖然已經退休，但係而家住喺大學旁邊嘅宿舍。我當然想去參觀吓啦！

由酒店去大學，必然會經過五道口，我哋先喺呢度停一停，因為爸爸朋友嘅女兒剛剛生日，所以我哋打算喺呢度嘅餅店買一個生日蛋糕同佢慶祝。

已經有幾日無飲咖啡嘅我，見到呢度有咖啡賣自然雙眼發光，第一時間買一杯沖沖電！

去到北京體育大學參觀，唔知點解有一種莫名其妙嘅感動，可能想像到有好多運動員曾經喺呢度付出過好多時間同汗水，努力為自己嘅理想奮鬥！

今夜係喺北京嘅最後一晚，來到北京，又點可以唔試吓北京填鴨呢？雖然香港以前都有全聚德，但係使用鴨做嘅菜式一定唔夠呢度多喇！好滿足嘅一餐！

Day 3 萬里長城 + 十三陵

第三日就遠征長城，上次嚟北京都有到長城嘅另一入口，而今次就去居庸關。

因為只係我一個唔係耆英，所以都係得我一個人行上去.

呢度樓梯好高啊! 所以我行左幾段就決定放棄喇。。

中間不斷有提示叫人要量力而為。

去完長城， 我哋去左一間叫萬榮海鮮食午飯。呢度雖然唔太乾淨 （尤其係個洗手間。。）， 但係食物唔錯！

飯後本來想去十三陵，但係因為要落好多梯級， 其他團友又無人去，所以最後影左幅到此一遊相就走喇！

Day 2 鳥巢 + 水立方

今早的節目是我最期待的，就是參觀鳥巢和水立方!

一場嚟到，雖然要俾RMB50先可以入鳥巢參觀但都係值得嘅，裡面真係好大呀!

之後我哋去食北京餃子，呢度嘅餃子係以” 斤” 計嘅，平日喺香港唔多食餃子嘅我，覺得啲餃子好好味喎!

2010北京 : Day 1 香港 -> 北京

5月18至 22日,  和爸爸、媽媽、六叔到了北京一趟。

旅程第一天已經驚險萬分，話說原定起飛時間是下午十二時，當天早上九時收到航空公司的短訊通知班機延誤至下午一時才起飛，因爸爸已一早叫了的士九時半來接我們，我們也只好依照原定時間坐車往機場。十二時三十五分上機，機長宣佈因中國航道飛行限制，預計二時才可起機，又繼續等。。。。。。

當飛機接近北京時，機長又宣佈因北京有雷暴，首都機場已臨時關閉，飛機將會轉飛上海加油，然後再往北京。。。唔係呀嘛!!??

當飛機飛了大約十五分鐘，機長又宣佈上海機場不接受我們的飛機降落，而首都機場又已經開放，所以我們又可飛回北京了。。。????

原定三時二十分到北京，最後遲了足足兩小時!!! 也把爸爸在北京的朋友累壞了，他們在機場呆等了我們一小時呢!

今次我們住的酒店是北辰InterContinental，位置在鳥巢和水立方附近，我們的package是保証酒店房間有鳥巢景觀的，好興奮呀!!

晚飯叔叔帶了我們吃涮羊肉，超好味呀!!!