2009年7月7日

2009年7月7日, 好忙..

(1)    無國界醫生日2009

軟硬7月7日（下午1時至2時），會喺奧海城二期主題中庭，出席「無國界醫生 日嘉許禮」，齊撐「無國界醫生日」。 現場將有專人拍下「撐無國界醫生日」照片（上午11時至下午5時），並即時上載 到Facebook專頁，競逐「無國界醫生日至撐造型」大獎。勝出者將獲得軟硬親筆簽名「救援行動襟章」﹗

引用: http://www.facebook.com/home.php?ref=home#/msfday09?v=wall&viewas=730393633

(2)    塑膠購物袋環保徵費計劃正式實施

根據此計劃，登記零售商須就每個提供的有手挽塑膠購物袋向顧客徵收5毫環保徵費…不過今晚聽新聞話, 有調查發現超過一半嘅受訪者仍未知道膠袋徵費實施日子，更有近兩成表示不清楚實施地點。

(3)      向米高積遜致敬

時間：晚上8時
地點：奧海城2期地下主題中庭 (又係呢處!?)

主辦單位呼籲出席樂迷以黑白色衣著出席，並帶同一支紅玫瑰，向偶像作最祟高致敬.

引用: http://www.olympiancity.com.hk/oc/eventCal_chi.asp

(4)    同日於美國時間早上八時, MJ將會正式下葬, 而美國時間早上十時將為MJ於洛杉磯的Staples Center舉行追思會.

(1), (3) 和 (4) 我都想出席, 不過唔會去得到咖喇, 唯有大大力支持購物用環保袋啦… 

宣報之日 - 南北樓

三月三十日, 星期一, 早上約九時半, 返工途中, 我打電話給雙親:

我: "媽咪, 今晚不如一齊出去食飯, 好唔好呀?"

媽:  "好呀… 但係無啦啦做乜要出去食飯呀?"

我: "無, 老豆上次話想試吓銅鑼灣嗰間南北樓, 今日得閒咪去試吓囉!"

媽: "哦, 係咪? 你等等, 我俾你老豆同你講.."

我: "喂, 老豆, 今晚去南北樓食飯好唔好呀?"

爸: "好呀… 但係無啦啦做乜要出去食飯呀?"

我: "無, 你上次話想試吓南北樓吖嘛, 今日得閒咪去試吓囉!"

* * * * * * * * * * * * * * * * * * * * * * * * * * * * * * * * * * * * * * * * * * * * * * *

下午約一時半, 媽和我另一次電話對話:

媽: "其實今晚出去食飯你哋係咪有嘢講呀?"

我: "……………………無呀"

媽: "係咪同我哋講要結婚喇?"

我 (驚恐地): "........................ 你點知咖?"

媽 (鎮定而帶點興奮地): "哈哈, 有咩我係唔知咖…哈哈哈哈 (下删十數秒笑聲)"

* * * * * * * * * * * * * * * * * * * * * * * * * * * * * * * * * * * * * * * * * * * * * * *

大概五時多, 收到嫂嫂的sms:

"攪錯呀, 揚咗喇!!"

(因為預先要請教嫂嫂關於租婚紗的問題, 所以她一早已經得知我們的喜訊.)

後來知道媽在當日下午致電大佬和嫂嫂, 問他們知不知道當晚吃飯的原因, 嫂嫂當然扮懞, 而大佬就真係懞 (因為我一直叫嫂嫂保守秘密), 但結果就是………………. 當晚正式吃飯前, 真係揚晒, 即是所有人都已知道吃飯的原因了.

當晚我和K緊張得不知道吃了甚麼, 幸好影了相:

雲白肉, 雞絲粉皮:

鐵板蝦:

乾扁四季豆:

炒牛柳絲配薄餅:

甜品 - 拔絲香蕉:

飯後K和我都鬆了一口氣, 因為一家人都很接受我們到峉里行禮這見議, 看來我們可以放心好好地計劃一下了.